Maccaruncielle cu ZZampugliata ‘e Noce

(maccheroncelli con salsa/crema di noci)

Chello ca serve pe 6 perzone:

  • 600 gramme ‘e maccaruncielle murcellate a ppiezze ‘e 4 cm
  • 250 gramme (piso lisso) ‘e cosce ‘e quaglia ‘e noce
  • 50 gramme ‘e pignuole
  • sale fino q.c.n.v
  • ‘na vrancata ‘e sale duppio
  • 50 gramme ‘e mullica ‘e pane casareccio
  • ‘nu spiculo d’aglio ammunnato
  • ‘nu bicchiere d’ uoglio ‘auliva dunciglio(evo)
  • pepe niro mmacenato a ffrisco q.c.n.v.
  • ‘nu túppeto (mazzetto) ‘e prutusino lavato, asciuttato e ntretato finu fino

Comme se fa:

Scuttà‘e ccosce ‘e quaglia ‘e noce dinto a ‘na tianella cu poca acqua vullente, scularle e spellarle e metterle dinto a ‘nu murtaro.Dinto a ‘na ciòtala cu poca acqua fredda ammullà ‘a mullica, spremmerla e spullecarla dint’ô murtaro. Agnadí ‘e pignuole‘nu spiculo d’aglio ammunnato e poco â vota ‘o bicchiere d’ uoglio ‘auliva dunciglio; accuncià ‘e sale ppepe e scamazzà tutto cu ‘nu pesaturo(pestello) nfi’ a ffà ‘na zampugliata criceta e malacosa (soffice e spumosa). A ‘stu punto àrvere (lessare) ‘e mezzanelle murcellate dinto a abbunnante acqua salata (vrancata ‘e sale duppio), scularle e revacarle dinto a ‘na zuppiera cauda, cunnirla súbbeto cu ‘a zampugliata e derramarle (cospargerle) cu ‘o túppeto ‘e prutusino ntretato. Ammiscà, ‘mpiattà e serví.
Vine: Sustanziuse vine russe d’ ‘a Campania (Solopaca, Aglianico, Piedirosso,Campi Flegrei d.o.c., Taurasi), spilate n’ora primma d’ausarle,passate dinto a ‘na carrafa p’ ‘e ffà piglià aria e servute a ttiempo (temperatura) ‘e stanza pe magnà.

Mangia Napoli, bbona salute! Scialàteve e cunzulàteve ‘o vernecale!
Raffaele Bracale

3 commenti

  • sara il 27 luglio 2013 alle 18:14 ha scritto:

    sembrano ottimi!!

    • admin il 27 luglio 2013 alle 18:17 ha scritto:

      si effettivamente sono buonissimi!!

    • RAFFAELE BRACALE il 27 luglio 2013 alle 19:34 ha scritto:

      I’ ‘e ttrovo assaje sapurite. Pruvatele e faciteme sapé!

Commenti e recensioni

Il tuo indirizzo email non sarà pubblicato né ceduto a terzi. I campi obbligatori sono contrassegnati *

*



Le altre ricette inviate da questo autore:

Ricette IschiaSei un ristoratore, uno chef o un semplice appassionato di cucina? Vuoi inviarci una tua ricetta da pubblicare sul nostro sito?
Clicca qui»